Reuters.com
Mietrapaliten Karakasa ź siaredziny maja biaspłatna pieravozić pasažyraŭ. Na taki krok, pa dadzienych Reuters, kiraŭnictva mietro ŭ stalicy Vieniesueły byŭ vymušany pajści z-za taho, što skončyłasia papiera, na jakoj drukavalisia kvitki.
Krynicy ŭ kiraŭnictvie mietro Karakasa raspaviali ahienctvu, što papiera dla kvitkoŭ zakuplałasia za miažoj. Adnak užo bolš za hod ŭrad nie vydzialaŭ valutu na hetyja mety, i zapasy papiery padyšli da kanca.
Aficyjna kiraŭnictva mietro nazvała inšuju pryčynu, pa jakoj sa stancyj prybrali kantraloraŭ, a turnikiety na ŭvachodzie adkryli. Pa słovach kiraŭnika kampanii Siezara Viehi, kantraloraŭ prybrali tolki ź niekalkich stancyj u ramkach «aptymizacyi pracy piersanała».
0
0
0
0
0
0
