10-hadovy školnik ź Minska Arsień Mucha ŭ ramkach sumiesnaha prajekta «MakDonaldsa» i FIFA vyviedzie futbalista ŭ finale čempijanatu śvietu, jaki startuje ŭ Rasii 14 červienia.
«Ja nie mahu pavieryć, što heta zdarycca sa mnoj. Heta bolš čym mara. Ja budu hetym žyć. Viadoma, ja zaŭzieju za zbornuju Biełarusi. Našych niama na čempijanacie śvietu, a značyć, ja nie budu pieražyvać za inšuju zbornuju. Prosta budu zaŭzieć za pryhožy i sumlenny futboł. Ciapier u mianie jość šaniec vyjści ź Niejmaram, Marseła, Hryzmanam, Aziłam abo kimści ź ich siabroŭ na futbolnaje pole. Pra hetuju padzieju ja budu pamiatać usio žyćcio! Dziakuj «Makdonalds» za hetym šaniec!» — skazaŭ ščaśliŭčyk Arsień Mucha.
Chłopčyk doŭhija hady byŭ padapiečnym Biełaruskaha dziciačaha chośpisa, adnak siońnia, niahledziačy na składany dyjahnaz, vučycca ŭ zvyčajnaj staličnaj škole №56, a akramia hetaha aktyŭna zajmajecca płavańniem.
