Siabra Patryjaršaj rady pa kultury Leanid Kalinin zajaviŭ radyjostancyi «Hovorit Moskva», što raźmiaščeńnie tualetaŭ u chramach supiarečyć relihijnym normam. Takoje mierkavańnie jon vykazaŭ, kamientujučy daručeńnie Minstroja Rasii, zhodna ź jakim «Instytut hramadskich budynkaŭ» Maskvy raspracavaŭ novyja praviły prajektavańnia chramaŭ, zhodna ź jakimi ŭ prybudovach cerkvaŭ prapanoŭvajuć raźmiaščać prybiralni.
«Tradycyjna tualety ŭ chramach nia raźmiaščali. Heta nonsens, što zaraz sprabujuć va ŭhodu niejkim hramadzianskich narmatyvam jak dla hramadskich budynkaŭ unieści heta jak abaviazkovuju normu. U hetym nieabchodnaści niama». Kalinin dadaŭ, što na ŭzroŭni RPC rašeńnie ab raźmiaščeńni prybiralniaŭ u chramach nie prymałasia.
Taksama suprać novaŭviadzieńniaŭ vystupili NKA «Dabračynny Fond Rastva Baharodzicy» i «Maskoŭskaja arhanizacyja invalidaŭ». Na ich dumku, «śviataść pravasłaŭnych chramaŭ nie spałučajecca z paniacciem tualet». Jany taksama adznačyli, što pabudova sanvuzłoŭ niezakonnaja pa kananičnych, miedycynskich i kulturnych pryčynach.
Taksama stała viadoma, što bolš za 700 tysiač viernikaŭ pastavili svaje podpisy suprać ustanoŭki prybiralniaŭ u pravasłaŭnych chramach.
