Alaksandr Łukašenka zajaviŭ, što sprava pamočnika prezidenta Siarhieja Raŭniejki, zatrymanaha pry atrymańni $200 tysiač chabaru budzie nie adzinaj. Jon praanansavaŭ novyja hučnyja karupcyjnyja spravy.
«Dniami vy pačujecie jašče novyja fakty. Jany ŭžo siadziać tam — u śledčym izalatary. Prosta zaraz materyjały rychtujem dla taho, kab vam (ŚMI). - paviedamić, a vy hramadskaść aznajomili z hetym», — zajaviŭ jon.
«Ja ž papiaredziŭ: hladzicie, što daravańnia nie budzie nikomu. Asabliva tym, chto nosić ciažkija pahony. Asabliva toj, chto pamočnik prezidenta. Tyja, chto pobač, tyja adkažuć bolš, čym chto-niebudź», - padkreśliŭ kiraŭnik dziaržavy.
Łukašenka adznačyŭ, što jamu niepryjemna, kali vyśviatlajecca, što ludzi pry vysokich pasadach zajmajucca karupcyjaj.
«Ale ja ŭ pasłańni narodu i parłamientu nie tonka, a mocna namiaknuŭ. Potym niedzie skazaŭ, što na voli lepš žabrakom, čym bahatym u turmie. Heta im byŭ sihnał. Heta źviarnuli ŭvahu na hety fakt, a jon ža nie adzin. Na žal, dziasiatak hetych faktaŭ», — skazaŭ jon.
«Jak na mianie možna kryŭdzicca, kali ja, pryznačajučy ludziej, pra heta ŭvieś čas ich papiaredžvaju. Ale heta ich los. Tamu ździŭlacca nie treba. Z usimi budzie toje ž samaje, kali budzie vyjaŭlena», — reziumavaŭ Łukašenka.
