Tysiačy prychilnikaŭ pravaj makiedonskaj apazicyi vyjšli na vulicy Skopje na pratest suprać płanaŭ pa źmienie nazvy krainy.
Pratestoŭcy sabralisia pierad budynkam urada ŭ centry stalicy sa ściahami Makiedonii i partyi VMRO-DPMNE. Jaje lidar Chryścijan Mikoski zajaviŭ, što apazicyja nie padtrymaje źmieny ŭ Kanstytucyju adnosna źmieny nazvy krainy.
Apazicyja abvinavaciła ŭrad u «prodažy nacyjanalnych intaresaŭ» krainy šlacham pieramoŭ z Hrecyjaj.
Raniej ŚMI paviedamili, što najbolš imaviernaj nazvaj Makiedonii, jakaja dazvolić vyrašyć sprečku z Hrecyjaj, źjaŭlajecca Respublika Paŭnočnaja Makiedonija.
Premjer-ministr Zoran Zajeŭ zajaviŭ, što Makiedonija vyniesie na refierendum lubuju novuju nazvu svajoj krainy, jakaja budzie ŭzhodniena z susiedniaj Hrecyjaj.
