U NATA palepšać siły chutkaha reahavańnia z 20 tysiač da 30 tysiač čałaviek na vypadak napadu Rasii. Pra heta paviedamlaje Die Welt sa spasyłkaj na krynicy ŭ palityčnych kołach NATA.
Jak adznačaje vydańnie, aljans choča sfarmavać śpiecyjalnaje padraździaleńnie pastajannaj hatoŭnaści, jakoje składajecca z 30 tysiač vajskoŭcaŭ, jakoje pavinna być hatova da razhortvańnia na praciahu 30 dzion. Pa słovach surazmoŭcaŭ vydańnia, «Hiermanija budzie ihrać hałoŭnuju rolu» ŭ płanach NATA. Stvareńnie novaha padraździaleńnia pravodzicca ŭ ramkach palapšeńnia zdolnaści chutkaha reahavańnia. Aljans płanuje značna pavysić apieratyŭnaść razhornutych sił na sušy, mory i ŭ pavietry na terytoryi sajuźnickich dziaržaŭ, jakija stvorać tak zvany płacdarm dla chutkaha reahavańnia na vypadak kryzisnych situacyj.
Krynicy vydańnia paviedamili, što reziervovaje padraździaleńnie budzie stvorana jak dadatak da isnujučych sił chutkaha reahavańnia NATA, a mienavita NRF (Nato Response Force). Zaraz u im słužać kala 20 tysiač vajskoŭcaŭ.
