Alaksandr Łukašenka, pradstaŭlajučy siońnia Juryja Cierciela u jakaści načalnika Dziaržinśpiekcyi achovy žyviolnaha i raślinnaha śvietu, zapatrabavaŭ ad jaho navieści žalezny paradak u hetaj struktury.

«Vaša zadača — pryjści ŭ inśpiekcyju, razabracca z tym štatam, ź jakim vy budziecie pracavać, pahladzieć na ludziej i žaleznaj rukoj navieści paradak u inśpiekcyi, a zatym i likvidavać vuzkija miescy, jakija, mahčyma, paŭstali ŭ krainie pa achovie žyviolnaha i raślinnaha śvietu», — davioŭ zadaču Ciercielu kiraŭnik dziaržavy.

Najpierš, cikavaj vyhladaje fihura samoha Cierciela. Hety čałaviek — daśviedčany śpiecsłužbist, kiravaŭ adnym z samych sakretnych i bajazdolnych atradaŭ krainy — pahraničnym ASAMam.

Vyhladaje, što rodnym bratam jamu davodzicca namieśnik kiraŭnika KDB hienierał-major Ivan Cierciel, jakija adkazvaje za ekanamičnyja złačynstvy, faktyčna — zmahajecca z karupcyjaj. 

Hetuju ž rolu Łukašenka adzvodzić i Juryju Ciercielu, nakiroŭvajučy taho ŭ Dziaržaŭnuju inśpiekcyju.

Ale ci kaža heta pra važnaść samoj struktury? 

My spytalisia pra heta ŭ analityka Andreja Parotnikava. 

«Nie dumaju, što heta pavyšeńnie, — kaža Parotnikaŭ. — ASAM — heta ASAM, zrešty, pałkoŭniki i sychodziać u 50 hadoŭ. Tamu ja dumaju, što heta asabistaje rasčaravańnie Łukašenki ŭ tym kiraŭnictvie Dziaržinśpiekcyi, jakoje było raniej i nie zdoleła naležnym čynam naładzić pracu. Treba pamiatać, što Łukašenka sam byŭ inicyjataram jaje stvareńnia, heta jaho dziecišča, jakoje naŭprost padparadkoŭvajecca jamu, tamu jon pastaviŭ nadziejnaha čałavieka. Padraździaleńnie bolšaje za ASAM, viadoma. Ale heta pa sutnaści jehiery z asablivymi paŭnamoctvami, ich važnaść u siłavoj sistemie ja aceńvaju blizkaj da nula. Raniej była ekałahičnaja inśpiecyja, ciapier voś takaja, tudy pastavili vajskovaha piensijaniera, nu voś i ŭsio». 

Krynica ŭ Dziaržaŭnaj inśpiekcyi tłumačyć, što ŭ viedamstvie pry raniejšym kiraŭnictvie byŭ poŭny razvał, i Ciercielu budzie čym zaniacca. 

«Papiaredni kiraŭnik spryjaŭ chabarnictvu, užo šmat zatrymanych. A ŭ Cierciela reputacyja strohaha čałavieka, i śpiecyfika jaho raboty ŭ ASAMie supadaje z našaj — lasy, pali, achova miascovaści i ŭčastkaŭ», — skazaŭ rabotnik viedamstva. 

Varta nahadać, što sama hetaja Inśpiekcyja ŭtvaryłasia ŭ 2003 hodzie zahadam Łukašenki na bazie Departamienta achovy rybnych resursaŭ i palaŭničych vidaŭ žyvioł Ministerstva pryrodnych resursaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?