Atrutnaja źmiaja navat z adsiečanaj hałavoj moža być pahrozaj dla žyćcia, pierakanaŭsia niadaŭna na ŭłasnym dośviedzie žychar Techasa.

Ab hetym niezvyčajnym zdareńni žurnalistam raspaviała žonka paciarpiełaha Dženifier Satklif.

Pavodle jaje słoŭ, muž Dženifier (jaho imia nie nazyvajecca) 27 maja, kapajučysia ŭ sadzie, natknuŭsia na hrymučuju źmiaju daŭžynioj bolš za mietr.

Jon uziaŭ rydloŭku i adsiek reptylii hałavu.

Kali mužčyna nahnuŭsia, kab vykinuć reštki źmiei, adsiečanaja hałava jaho ŭkusiła.

Jak raspaviadaje Dženifier Satklif, jaje muž adrazu ž adčuŭ niedamahańnie, straciŭ zrok, u jaho pačaŭsia ŭnutrany kryvaciok.

U pieršyja sutki daktary sumniavalisia, ci jamu ŭdasca vyžyć, ale zaraz paciarpieły znachodzicca ŭ stabilnym stanie.

Pa słovach śpiecyjalistaŭ, u miortvaj źmiai refleks moža zachoŭvacca praktyčna da hadziny, navat kali jaje hałava adździelena ad cieła.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?