Deficyt piłotaŭ, jaki praciahvaje raści, źjaŭlajecca surjoznaj pahrozaj dla avijahaliny, paviedamlaje Reuters. Najbujniejšym u śviecie avijakampanijam davodzicca spaborničać za kadry — jany pavyšajuć zarobki deficytnym śpiecyjalistam, što pryvodzić da dadatkovaj finansavaj nahruzki na avijakampanii, jakija i tak pakutujuć praz pavyšeńnie koštaŭ na naftu.

Adnoj z pryčyn niastačy ŭ piłotach źjaŭlajecca vysoki košt i praciahłaść padrychtoŭki śpiecyjalista. Asabliva hetaja prablema pačała prajaŭlacca na fonie rostu rynku avijapieravozak. Čakajecca, što ŭ najbližejšyja 20 hadoŭ rynak avijapieravozak vyraście ŭ 2 razy, i dla hetaha dadatkova spatrebicca 670 tysiač piłotaŭ.

Kab spravicca z hetaj prablemaj, avijakampanii i vytvorcy samalotaŭ źbirajucca inviestavać srodki ŭ centry padrychtoŭki novych piłotaŭ. Naprykład, Emirates ukłała 135 miljonaŭ dalaraŭ u budaŭnictva novaj lotnaj akademii na 600 kadetaŭ.

Avijalinii, jakija nie majuć mahčymaści rychtavać svaich piłotaŭ, uklučacca ŭ kankurentnuju baraćbu za pieramańvańnie kadraŭ. Asabliva cikavym rynkam vyhladaje Kitaj, dzie daśviedčanym kapitanam prapanujuć hadavyja zarpłaty da 314 tysiačy dalaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0