Šeść čałaviek paciarpieli ŭ łabavym sutyknieńni dvuch aŭtamabilaŭ pad Minskam, paviedamiła BiełTA pradstaŭnik DAI Minska rajona Kaciaryna Silčanka.
DTZ adbyłosia 10 lipienia, kala 10.30 pablizu sadovaha tavarystva «Zapadhorje». Kiroŭca za rulom Mazda jechaŭ pa darozie Kryžoŭka — Ratamka i na zakruhleńni naleva va ŭmovach abmiežavanaha ahladu zaniaŭ krajniaje levaje stanovišča na prajeznaj častcy.
«Tamu jon nie sastupiŭ darohu «Falksvahienu», što ruchaŭsia nasustrač, adbyłosia sutyknieńnie. U vyniku DTZ kiroŭcy i čatyry pasažyry «Falksvahiena» atrymali cialesnyja paškodžańni, jany dastaŭleny ŭ miedustanovu», — raspaviała Kaciaryna Silčanka.
