Adnosiny NATA i Hruzii vyznačajucca tym, što Tbilisi i zaraz nakiroŭvajecca da siabroŭstva. Pra heta paviedamiŭ žurnalistam u Brusieli pradstaŭnik NATA, upaŭnavažany davać tłumačeńni ŚMI na ŭmovach ananimnaści.
Raspaviadajučy pra rašeńni, jakija buduć pryniaty pa vynikach pasiadžeńnia Paŭnočnaatłantyčnaha savieta pry ŭdziele Ukrainy i Hruzii, jon adznačyŭ, što hruzinskaja častka budzie aformlena ŭ farmacie rašeńnia Kamisii Hruzija-NATA na vyšejšym uzroŭni.
«Hruzija idzie da siabroŭstva i prademanstravała vidavočny prahres na hetym šlachu», — padkreśliŭ pradstaŭnik Aljansu.
Jon adznačyŭ, što źmieny statusu Hruzii pa vynikach Brusielskaha samitu NATA nie budzie — u pryvatnaści, na paradku dnia ciapier niama idei zaprašeńnia hetaj dziaržavy da siabroŭstva.
«U nas niama daty, kali takoje rašeńnie (pra zaprašeńnie da ŭstupleńnia) mohuć pryniać, ale nichto nie admaŭlaje sapraŭdy značny prahres, dasiahnuty Hruzijaj», — rastłumačyŭ jon, nahadaŭšy taksama, što pavodle rašeńnia bucharesckaha samitu NATA Ukraina i Hruzija «adnojčy stanuć siabrami Aljansu».
