U Minsku razhladajuć mahčymaść padniać taryfy na prajezd u haradskim hramadskim transparcie. Pavodle infarmacyi Finance.tut.by, košt prajezdu prapanujuć pavysić na 5 kapiejek: u naziemnym — da 65 kapiejek, a ŭ mietro — da 70 kapiejek. Kankretnyja terminy pavyšeńnia taryfaŭ na prajezd pakul nie paviedamlajucca.
Ciapier heta pytańnie znachodzicca ŭ stadyi abmierkavańnia. Kančatkovyja taryfy na prajezd u haradskim transparcie buduć viadomyja tolki paśla pryniaćcia rašeńnia Minharvykankamam.
Adna z prapanoŭ — padniać košt kvitka pry kupli ŭ kiroŭcy da 1 rubla. Ciapier cana składaje 65 kapiejek. Nahadajem, padobnaje novaŭviadzieńnie prapanoŭvałasia realizavać jašče letaś. Adnak paźniej ad hetych płanaŭ vyrašyli admovicca.
U apošni raz košt prajezdu ŭ haradskim hramadskim transparcie ŭ Minsku vyras z 1 listapada minułaha hoda — na 5 kapiejek.
