Prezident ZŠA Donald Tramp zajaviŭ, što krainy NATA pavinny pačać vydatkoŭvać na abaronu 2% ad VUP zaraz ža, a nie čakać 2025 hoda. Pra heta amierykanski lidar napisaŭ na svajoj staroncy ŭ Twitter pa vynikach pieršaha dnia samitu lidaraŭ krain aljansu, jaki 11 lipienia adkryŭsia ŭ Brusieli.
Napiaredadni samitu amierykanski prezident, jaki ličyć niespraviadlivym raźmierkavańnie raschodaŭ na abaronu ŭnutry aljansu, zajaviŭ, što krainy NATA pavinny płacić bolš. U sieradu aficyjny pradstaŭnik Biełaha doma Sara Sanders zajaviła žurnalistam, što Tramp padniaŭ hetuju temu na zakrytaj sustrečy ź lidarami krain aljansu, paviedamlaje Associated Press. U pryvatnaści, jana ŭdakładniła, što Tramp prapanavaŭ lidaram krain NATA pierajści da vydatkaŭ na ŭtrymańnie aljansu 4% VUP, zamiest mety ŭ 2% da 2024 hoda.