U subotu ŭ Maskvie prajšło śviatkavańnie Kupalla, arhanizavanaje aficyjnymi arhanizacyjami biełaruskaj dyjaspary i ŭładami horada. U parku Traparjova na ŭskrajku horada byŭ zładžany kancert.
Praŭda, siarod vykananych piesień amal nie było biełaruskich, zatoje byli rasijskija narodnyja, chity savieckaj estrady i navat paŭbłatnyja patryjatyčnyja pieśni pra Rasiju. Kancert vioŭ śpiavak i kampazitar Siarhiej Kostačka, pieryjadyčna žartujučy ŭ styli «anhłasaksy sapsavali nam nadvorje i prysłali doždž» i zajaŭlajučy, što biełarusy i rasijanie — adzin narod.
Akramia kancertu, byŭ adzin samotny stend ź biełaruskimi suvienirami. Nie było ani fastfuda, ani jakich-niebudź inšych zabaŭ. Hledačoŭ taksama było vobmal, dva-try dziasiatki čałaviek. Vyjaviłasia ci to słabaje infarmavańnie, ci to čverćfinał čempijanatu śvietu pa futbole, jaki išoŭ u hety samy čas.
U 90-ja hady ŭ Maskvie isnavała tradycyja sumiesnaha śviatkavańnia Kupalla biełaruskaj dyjaspary razam z dyjasparami krain Bałtyi. U nulavyja hady arhanizoŭvalisia dobryja Kupalli prefiekturaj Paŭnočna-ŭschodniaj akruhi Maskvy. Sioleta, na žal, śviata było vidavočna arhanizavana horš, čym u minułyja razy.