Fota Marharyty Kublickaj.

Fota Marharyty Kublickaj.

Dumajecie, što vyvučyć i palubić pradmiet za adzin navučalny hod niemahčyma? Vypusknica SŠ №1 horada Maładziečna Marharyta Kublickaja zmahła, dy jašče zdała jaho na maksimalny bał.

− Ci padabałasia tabie historyja Biełarusi ŭ škole?

− Ja zaŭsiody spadziavałasia, što adziny pradmiet, jaki ja nie budu zdavać na CT, − heta historyja Biełarusi. Ja dumała, što ŭ mianie nie atrymajecca zapomnić usie daty, nie lublu ličby. Ale pryjšłosia zdavać testavańnie dla pastupleńnia.

− Jak prachodziła padrychtoŭka da CT?

− Rychtavałasia na praciahu hetaha navučalnaha hoda z repietytaram. Lublu, kali mnie ŭsio padrabiazna raskazvajuć, tłumačać niezrazumiełaje. Historyja mianie zachapiła.

I tolki z hetaha hoda ja pa-sapraŭdnamu palubiła hety pradmiet.

− Ci staviła metu zdać mienavita historyju Biełarusi na 100? Abo było žadańnie atrymać maksimalny bał pa inšych pradmietach?

− Była meta zdać usie pradmiety na vysokija bały, tamu što płanavała pastupać tolki na biudžet. Ale kab na 100, dy jašče i historyju Biełarusi — nie.

Padčas padrychtoŭki ja, moj repietytar i asabliva maja maci rabili staŭki na hramadaznaŭstva. I ŭ vyniku dapuściła adnu pamyłku, było kryŭdna. A paśla vielmi ździviłasia, kali ŭbačyła vyniki pa historyi.

− Ci było ciažka sumiaščać padrychtoŭku da CT i vučobu ŭ škole, padrychtoŭku da školnych ispytaŭ?

− Tak, było vielmi składana. Asabliva ŭ kancy navučalnaha hoda, kali treba było repieciravać kancert da apošniaha zvanka, vypusknoha viečara, taksama treba ž było rychtavacca da školnych ekzamienaŭ.

U kancy hoda navat nie chapała času na son (śmiajecca). Paŭsiul było šmat infarmacyi, pačynałasia panika, zdavałasia, što ničoha nie paśpieju. Ale potym sabrałasia z dumkami. Taksama padtrymlivaŭ repietytar, havaryŭ, što ja ŭsio viedaju i ŭsio vydatna zdam.

− Chapała času na chobi, siabroŭ?

− Tak, ja zajmałasia tancami, hulała ź siabrami pa vychadnych.

− Jak baćki paŭpłyvali na tvaju padrychtoŭku da CT? Ci była niejkaja padtrymka, dapamoha ź ich boku?

− Pa-pieršaje, heta maci znajšła mnie repietytara, pa-druhoje, baćka byŭ zaŭsiody pobač, advoziŭ na mašynie tudy, kudy było treba.

− Jak zdała inšyja pradmiety?

− Ruskaja mova-84, hramadaznaŭstva-98.

− Kudy płanuješ pastupać?

− Biełaruski dziaržaŭny ŭniviersitet kultury i mastactvaŭ. Śpiecyjalnaść — kulturołah, nakirunak PR i rekłama. Heta moj vybar, baćki nie vielmi rady, ale adhavorvać nie stali.

− Jak płanuješ adpačyć letam paśla takoha składanaha vučebnaha hoda?

− Leta praviadu ŭ Biełarusi, budu naviedvać muzyčnyja fiestyvali.

− Što možaš paraić budučym vypusknikam?

− Žadaju raźličvać na svaje siły i tolki kryšačku na šancavańnie, tamu što ŭsio voś heta «tabie tak pašancavała» − poŭnaja biazhłuździca. Treba vučycca i ŭkładvać usiaho siabie ŭ padrychtoŭku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?