Što nieabchodna dla atrymańnia pašparta, kali ŭzrost dziciaci nie dasiahnuŭ 14 hadoŭ?

  • zajava i pašpart adnaho z baćkoŭ;
  • paśviedčańnie ab naradžeńni niepaŭnaletniaha;
  • 4 kalarovyja fota na adnym arkušy («na pašpart»), jakija adpaviadajuć uzrostu;
  • dakumienty, nieabchodnyja dla rehistracyi pa miescy žycharstva (techpašpart na dom z BTI).

Dakumient budzie vydadzieny na 5 hadoŭ. Adnak nie zabyvajcie: pa fota trochmiesiačnaha dziciaci niemahčyma identyfikavać dzicia troch hadoŭ — pryjdziecca zamianić pašpart raniej.

Afarmleńnie pašparta dzieciam da 14 hadoŭ ažyćciaŭlajecca biaspłatna.

Asabisty podpis uładalnika pašparta nie stavicca. Sam dakumient atrymlivaje adzin z baćkoŭ.

Što rabić, kali dzicia naradziłasia nie ŭ Biełarusi?

Davoli časta sustrakajecca situacyja, kali adzin z baćkoŭ — hramadzianin Biełarusi, a druhi — pradstaŭnik inšaj krainy. Pry naradžeńni dzicia atrymlivaje dva hramadzianstvy. Moža być i treciaje — pa krainie naradžeńnia. Usie jany zachoŭvajucca da momantu paŭnalećcia dziciaci (18 hadoŭ). Ale dla Biełarusi maje značeńnie tolki naša, biełaruskaje.

Paśla naradžeńnia małoha hramadzianin Biełarusi pavinien źviarnucca ŭ biełaruskaje pasolstva, kab atrymać dla dziciaci paśviedčańnie na viartańnie ŭ Biełaruś, a pry pieršym naviedvańni Biełarusi treba aformić dziciaci pašpart.

Dakumienty na afarmleńnie biełaruskaha pašparta dziciaci, jakoje naradziłasia i pražyvaje za miažoj, pavinien padavać asabista toj z baćkoŭ, chto źjaŭlajecca biełaruskim hramadzianinam. Jon ža atrymlivaje pašpart dziciaci.

 

Jakija dakumienty nieabchodny dla atrymańnia pašparta ŭ 14 hadoŭ?

  • zajava;
  • paśviedčańnie ab naradžeńni niepaŭnaletniaha;
  • pašparty abaich baćkoŭ;
  • 4 kalarovyja fota na adnym arkušy («na pašpart»), jakija adpaviadajuć uzrostu;
  • dakumienty, nieabchodnyja dla rehistracyi pa miescy žycharstva (techpašpart na dom z BTI).;
  • kvitok ab apłacie dziaržpošliny za afarmleńnie pašparta (1 bazavaja vieličynia). Heta praściej zrabić praz ARIP. Łajfchak: kab atrymać pašpart biaspłatna, padajcie dakumienty krychu raniej za miesiac da 14-hodździa.

U vypadku, kali baćki dziciaci zarehistravany pa roznych adrasach, nieabchodna dać piśmovuju zhodu adnaho z baćkoŭ na miesca rehistracyi dziciaci.

Pašpart vydajecca na 10 hadoŭ z momantu jaho vydačy, a nie daty naradžeńnia.

Pražyvańnie padletkaŭ, starejšych za 14 hadoŭ, biez pašparta kłasifikujecca jak administratyŭnaje parušeńnie i karajecca štrafam u pamiery ad 2 da 4 bazavych vieličyń. 

Terminy afarmleńnia pašparta

Standartny čas afarmleńnia dakumienta — 1 miesiac. Za terminovaść (pašpart budzie vydadzieny praz 15 dzion) nieabchodna budzie dapłacić 1 bazavuju vieličyniu. Žadajecie atrymać pašpart za tydzień — pryjdziecca addać užo 2 bazavyja (biez uliku abaviazkovaj dziaržpošliny).

Dzie atrymać pašpart?

Vydača pašparta ažyćciaŭlajecca ŭ terytaryjalnym adździele pa hramadzianstvie abo pašpartnym stale. Dla atrymańnia pašparta pavinien prysutničać sam padletak abo jaho baćki (pry niemahčymaści prysutnaści dziciaci).

 

Akurat takaja ž pracedura afarmleńnia adbyvajecca pry zamienie pašparta. Z dakumientaŭ spatrebiacca ŭsio tyja ž 4 kalarovyja fota na adnym arkušy («na pašpart»), jakija adpaviadajuć uzrostu, paśviedčańnie ab naradžeńni, kvitok ab apłacie dziaržpošliny i zajava, uzor jakoj znojdziecca na stendach pašpartnaha stała. Dadatkova zachapicie (pa situacyi) paśviedčańnie ab zaklučeńni/skasavańni šlubu, paśviedčańnie ab śmierci žonki/muža, paśviedčańnie ab naradžeńni dziciaci (dziaciej) — u vypadku najaŭnaści niepaŭnaletnich dziaciej. Dla źvierki infarmacyi spatrebicca aryhinał, a pry padačy dakumientaŭ — kopija.

U jakich vypadkach treba zamianić pašpart?

Da situacyj, jakija patrabujuć zvarot u pašpartny stoł dla zamieny dakumienta, adnosiacca:

  • zakančeńnie terminu dziejańnia pašparta;
  • zakančeńnie arkušaŭ dla štampaŭ;
  • źmianieńnie pałavoj prynaležnaści;
  • vyjaŭleńnie niedakładnaściaŭ u zapisach;
  • źmiena proźvišča paśla zaklučeńnia šlubu;
  • sapsavanyja (razmalavanyja, namočanyja) dakumienty;
  • kali pašpart skradzieny abo zhubleny.

Kali pašpart pa niejkich pryčynach stračany za miežami krainy, nieabchodna źviarnucca ŭ pasolstva, dzie vydaduć paśviedčańnie, jakoje daje prava viarnucca ŭ Biełaruś. Pa viartańni terminova źviartajciesia pa novy dakumient.

Na što źviarnuć uvahu?

  • Pry źmienie proźvišča stary pašpart dziejničaje 30 dzion. Kali ŭ pašparcie staić viza, termin dziejańnia jakoj nie skončyŭsia, to paśla zvarotu ŭ pasolstva viza pavinna pieranieścisia ŭ novy dakumient. Kali vy płanujecie adrazu paśla viasiella adpravicca ŭ padarožža, to nieabchodna budzie viarnucca na radzimu ŭ 30-dzionny termin, pakul pašpart jašče dziejničaje.
  • Kali pašpart zhubleny ci skradzieny, nie zabudźcie źviarnucca z zajavaj u orhany pravaparadku i apisać situacyju. Pažadana mieć pry sabie dakumient, jaki paśviedčyć vašu asobu (paśviedčańnie ab naradžeńni, šlubie, pravy kiroŭcy). U milicyi vy atrymajecie daviedku, sapraŭdnuju na praciahu miesiaca, ź jakoj nieabchodna źviarnucca ŭ pašpartny stoł.
  • Pačynajučy z 2012 hoda pašpart vydajuć terminam na 10 hadoŭ. Pašparty, atrymanyja da 2012 hoda terminam dziejańnia bolš za 10 hadoŭ, źjaŭlajucca sapraŭdnymi na terytoryi našaj dziaržavy. Dla pajezdki za miažu jaho nieabchodna budzie zamianić, pakolki pa mižnarodnych standartach pašpart vandroŭnika nie pavinien być starejšym za 10 hod.
  • Amatary padarožžaŭ abaviazkova pavinny zrabić kopii minułych šenhienskich vizaŭ, kab paśla hetyja kopii prykłaści da dakumientaŭ u pasolstva.

Sačycie za terminam dziejańnia pašparta, kab nie hublać čas i hrošy!

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?