Pra heta Aleś Lipaj paviedamiŭ u svaim Fejsbuku:

Pieratrus na kvatery Alesia Lipaja adbyŭsia 14 červienia. Paśla jaho kiraŭnika infarmacyjnaj kampanii BiełaPAN pavieźli na dopyt u DFR pa Minskaj vobłaści. 

Jak paźniej paviedamiŭ KDK, Lipaja padazrajuć u tym, što jon nie zapłaciŭ padachodny padatak z dachodaŭ, atrymanych za miažoj.

U dačynieńni da jaho raspačata kryminalnaja sprava.

BiełaPAN — adzinaje ŭ krainie niezaležnaje infarmacyjnaje ahienctva. BiełaPAN byŭ taksama hienieralnym sponsaram kancerta na Dzień Voli ŭ 2018 hodzie.

52-hadovy Aleś Lipaj viadomy taksama jak aŭtar niekalkich zbornikaŭ paezii i čałaviek vialikaj mužnaści. U červieni 1996 hoda, padčas apieracyi pa vyzvaleńni dziaciej, uziatych u zakładniki terarystam u dziciačym sadku ŭ Minsku, braŭ intervju ŭ terarysta, adciahvajučy tym samym jahonuju ŭvahu na siabie. Lipaj stvaryŭ BiełaPAN jašče ŭ 1991 hodzie i niaźmienna im kiravaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0