27 lipienia rabočyja zafarbavali samy viadomy minski murał — «Čałavieka biez tvaru», taksama viadomaha jak «Anioł Śmierci». Ciapier zamiest jaho — ścienka brudna-žoŭtaha koleru. Spačatku čynoŭniki tłumačyli źniščeńnie «Čałavieka biez tvaru» tym, što pravodziać «ciepłavuju madernizacyju» šmatpaviarchovika. Ale ŭ ŽKH Kastryčnickaha rajona Jeŭraradyjo raspaviali, što pryčyn było dźvie: techničnaja i ideałahičnaja.

Fota: Jeŭraradyjo.

Fota: Jeŭraradyjo.

«Hrafici zafarbavanaje pa rašeńni rabočaj hrupy ŭ administracyi rajona. Byŭ ździejśnieny vychad na miesca, i kanstatavana, što techničny stan hrafici pahoršyŭsia: pačała advalvacca tynkoŭka, treskacca farba. A naohuł, heta ŭsio na padstavie taho, što było vielmi šmat skarhaŭ ad žycharoŭ. Pretenzij było šmat pieršapačatkova, asabliva ad maci. Ludzi nie zrazumieli tematyku».

Murał daŭno vyklikaŭ narakańni z boku žycharoŭ navakolnych damoŭ. Jany nazyvali vyjavu čałavieka ŭ kapiušonie sa śviečkaj zamiest tvaru praźmierna depresiŭnaj. Pisalisia skarhi i stvaralisia pietycyi z prośbaj zafarbavać jaho ci źmianić malunak. Ale stvaralisia i pietycyi z patrabavańniem zachavać murał.

Dom na Varanianskaha, 13 k1, na jakim byŭ namalavany «Čałaviek biez tvaru», my nie znajšli ŭ śpisach na kapitalny ramont na 2018 hod. Ciepłavaja madernizacyja, jakoj čynoŭniki tłumačyli źniščeńnie murała, źjaŭlajecca častkaj kapitalnaha ramontu.

Čakajecca, što aŭtar «Čałavieka biez tvaru», hrečaski mastak Ino zrobić zajavu nakont źniščeńnia murała. Pakul jon nijak heta nie kamientavaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?