Vy zachoŭvajecie svaje staryja čeki z mahazinaŭ? A «Naša Niva» zapaślivaja. Žurnalisty źbirajuć čeki z roznych kramaŭ, kab adsočvać źmieny cen. Viedajecie, što z praduktaŭ za apošnija hady, zdajecca, padaražeła bolš za ŭsio? Muka.
U 2015 hodzie muka «Lidskaja» kaštavała 1,45 rubli za 2 kiłahramy, u 2016 — 1,98, a siońnia cana ŭ «Jeŭraopcie» 2 kiłahramaŭ «Lidskaj muki» składaje 2,39.
Bolšaść praduktaŭ u apošnija hady daražeła niaznačna. Naprykład, miasa.
U 2015 kiłahram śvinoj šyi kaštavaŭ 9,99 kapiejek, u 2016 — 10,19 rub., u 2017 — 12,69. Siońnia šyju ŭ Minsku možna kupić u miežach 13 rubloŭ.
Krabavyja pałački nie padaraželi naohuł. Jak kaštavali ŭ 2015 hodzie 82 kapiejki za 200 hramovuju ŭpakoŭku, tak i siońnia takuju ž upakoŭku možna znajści ŭ «Susiedziach» pa toj ža canie.
Bonus. Ček za 2010 hod.
A voś što nas paviesialiła, dyk heta ceny ŭ čeku 2010 hoda.
Kietčup — 4000 (40 kapiejek)
Tvaroh 9% — 2000 (20 kapiejek)
Aŭsianka «Hierkules» — 1200 (12 kapiejek)
Harošak kansiervavany 1800 (18 kapiejek)
Małako 3,2%, 1 litr — 1700 (17 kapiejek)
Makarona — 2400 (24 kapiejki)
Rys praparany — 4400 (44 kapiejki)
Šakaład 100 hr. — 2900 (29 kapiejek)
