Śpiecyjalisty daśledčaj kampanii Check Point Research vyjavili ŭraźlivaść u prahramavańni papularnaha miesiendžara WhatsApp, jakaja dazvalaje złamyśnikam pierachoplivać i źmianiać źmiest paviedamleńniaŭ, piša ria.ru.
Dzirka ŭ sistemie biaśpieki servisu dazvalaje chakieram manipulavać paviedamleńniami jak u asabistaj pierapiscy karystalnikaŭ, tak i ŭ hrupavych čatach. Mahčymaść źjaŭlajecca z-za ŭraźlivaści ŭ instrumientach sinchranizacyi źviestak mabilnaj i veb-viersii WhatsApp.
Analityki vyłučyli niekalki sposabaŭ «praniknieńnia» ŭ čat. Naprykład, z dapamohaj funkcyi «Cytata» u hrupavym čacie možna zamianić ID realnaha adpraŭnika na imia luboha inšaha karystalnika, navat kali jon nie znachodzicca ŭ pierapiscy. Taksama jość mahčymaść adpravić udzielniku hrupy «u pryvat» zamaskiravanuju pad čat paviedamleńnie, i tady adkaz adrasata budzie bačny ŭsim udzielnikam hrupy.
