Aranžavy ŭzrovień niebiaśpieki abjaŭleny ŭ Biełarusi 10 žniŭnia z-za śpiakoty, paviedamili BiełTA ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
Budzie pieramiennaja vobłačnaść, pieravažna biez apadkaŭ. Viecier prahnazujecca paŭdniova-ŭschodni, paŭdniovy 5—10 m/s, dniom pa zachadzie krainy paryvy dasiahnuć 14 m/s.
Tempieratura pavietra ŭnačy składzie ad 11 pa ŭschodzie da 19 hradusaŭ ciapła pa paŭdniovym zachadzie. Dniom prahnazujecca 25—30 vyšej za nul, pa paŭdniovym zachadzie — da plus 32.
U nastupnyja dni nadvorje pačnie źmianiacca: cykłon pryniasie z Zachodniaj Jeŭropy daždžy i pachaładańnie.
0
0
0
0
0
0
