Paranienaha busła znajšli nieabyjakavyja ludzi na vulicy Lenina ŭ Vałožynie. Ptušku zvazili da vieterynara, zrabili apieracyju i aformili ŭ prytułak dla ptušak.
«Paśla hetaha vałožyncy źviarnulisia da nas, ŭ dabračynnuju arhanizacyju «Achova ptušak», — kaža arhanizatar prytułku Žanna.
«My padrychtavali ŭsie nieabchodnyja dakumienty ab vymańni ptuški ź dzikaj pryrody, zabrali sabie. Napisali zajavu ŭ milicyju, kab znajści tych, chto stralaŭ, ale spravu zakryli».
«Achova ptušak» — dabračynnaja arhanizacyja, jakaja zajmajecca reabilitacyjaj i viartańniem u dzikuju pryrodu ptušak. Arhanizacyja ŭtrymlivaje śpiecyjalny pryjut dla ptušak, jaki znachodzicca ŭ vioscy Maisiejevičy pad Asipovičami. Traplajuć u prytułak ptuški, jakija paciarpieli ad žorstkaści ludziej. Tak, ratavali ŭ arhanizacyi savu, jakaja trapiła ŭ bitum, i busła, jakoha źbiŭ ciahnik.
«Naša zadača — vyratavać ptušku, viarnuć jaje ŭ pryrodu, abo zabiaśpiečyć umovy dla pražyvańnia, kali viartańnie niemahčyma, jak było ŭ vypadku z busłom, jakoha źbiŭ ciahnik i jamu daviałosia amputavać kryło».
