Ilustracyjnaje fota.
Milicyja razhladaje mahčymaść pryciahnuć mužčynu da administracyjnaj adkaznaści za niezakonnaje praniknieńnie na abjekty, što znachodziacca pad achovaj.
— Incydent adbyŭsia 6 žniŭnia dniom, — prakamientavała zdareńnie namieśnik načalnika Vilejskaha RAUS Kaciaryna Mlačko.
— 36-hadovy žychar Mozyra zalez na adnu z vyšak, raźmieščanych na terytoryi vajskovaj častki ŭ vioscy Šyłavičy, i zrabiŭ sełfi. Jaho ŭbačyŭ vykanaŭca abaviazkaŭ kamandzira vajskovaj čaści i paviedamiŭ u RAUS. Na miesca vykliku vyjechała apieratyŭnaja hrupa, pravaparušalnika zatrymali.
Na dopycie «skałałaz» rastłumačyŭ, što paśla razvodu i zvalnieńnia z pracy jon vyrašyŭ aŭtastopam pavandravać pa rodnaj Biełarusi, ubačyŭ vyški ŭ Šyłavičach i zachacieŭ ekstrymu. Jon praihnaravaŭ tablički papiaredžańnia pra toje, što pranikaje na abjekt, jaki achoŭvajecca, i zalez na adnu z vyšak zrabić sełfi. Paśla jaho zatrymańnia zdymak źniščyli.
Milicyja razhladaje mahčymaść pryciahnuć mužčynu da administracyjnaj adkaznaści pa artykule «Niezakonnaje praniknieńnie na abjekty, što achoŭvajucca». Sankcyja pa dadzienym artykule — štraf ad dziesiaci da tryccaci bazavych vieličyń abo administracyjny aryšt.
Los pravaparušalnika vyrašyć sud.
