Supolny centralny bank Afryki budzie zasnavany da 2043 hoda razam z adzinaj afrykanskaj valutaj. Pra heta zajaviŭ kiraŭnik Centrabanka Jehipta Tarek Amier pa vynikach forumu Asacyjacyi Centralnych bankaŭ Afryki ŭ Šarm-eš-Šejchu, piša rbc.ru sa spasyłkaj na The Egyptian Gazette.
Jon adznačyŭ, što hetaja inicyjatyva pavinna być padtrymana kiraŭnikami afrykanskich krain, jakija pavinny pryniać adpaviednaje rašeńnie.
«Akramia taho, nieabchodna, kab afrykanskija krainy dasiahnuli peŭnaha ekanamičnaha i finansavaha ŭzroŭniu, jaki źviazany z tempami rostu, uzroŭniem inflacyi, pamieram źniešnich reziervaŭ i biudžetnych deficytaŭ», - zajaviŭ Amier.
Kiraŭnik CB Jehipta taksama ŭkazaŭ, što nieabchodnaje supracoŭnictva i sumiesnyja dziejańni z boku afrykanskich krain, kab supraćstajać vyklikam śvietu, jaki chutka raźvivajecca.
U Asacyjacyju Centralnych bankaŭ Afryki ŭ uvachodzić 40 krain.
