Premjer-ministr Rasii Dźmitryj Miadźviedzieŭ ličyć, što ŭ vypadku ŭviadzieńnia novych antyrasiejskich sankcyj z boku ZŠA dadzieny krok možna budzie rasceńvać jak abviaščeńnie ekanamičnaj vajny. Adpaviednuju zajavu kiraŭnik urada RF zrabiŭ u piatnicu, na sustrečy z supracoŭnikami zapaviednika ŭ Kamčackim krai, piša rbc.ru.
Adkazvajučy na pytańnie adnaho z supracoŭnikaŭ pra novyja sankcyi, premjer zaŭvažyŭ, što nie chacieŭ by kamientavać razmovy pra ich. «Ale mahu skazać adno: kali śledam budzie štości typu zabarony dziejnaści bankaŭ abo vykarystańnia toj ci inšaj valuty, to heta možna budzie nazvać zusim prosta: heta abviaščeńnie ekanamičnaj vajny», — skazaŭ jon (cytata pa TASS).
«I na hetuju vajnu nieabchodna budzie reahavać — ekanamičnymi mietadami, palityčnymi mietadami, a ŭ vypadku nieabchodnaści i inšymi mietadami. I našy amierykanskija siabry heta pavinny razumieć», — dadaŭ Miadźviedzieŭ.
Čytajcie taksama: ZŠA pahražaje Rasii novymi sankcyjami: až da poŭnaj zabarony ekspartu i impartu i palotaŭ «Aerafłota»
