Pa mienšaj miery 14 čałaviek zarazilisia skurnaj formaj sibirskaj jazvy ŭ paŭnočna-ŭschodniaj kitajskaj pravincyi Chejłunczian, što miažuje z Rasijaj, piša tass.ru. 10 infikavanych prachodziać lačeńnie ŭ miedycynskich ustanovach Charbina, jašče dvoje ŭ horadzie Cziamusy i adzin u Czisi.
Jak adznačyli pradstaŭniki ŭładaŭ, pacyjenty adužvajuć.
Asnoŭnymi pieranosčykami sibirskaj jazvy źjaŭlajucca karovy, barany i inšaja chudoba. Čałaviek moža być infikavany pavietrana-kropielnym šlacham, praz kantakt z poŭściu chvoraj skaciny abo pry spažyvańni jaje miasa.
Jak adznačyli epidemijołahi, uspyška zachvorvańnia vyklikanaja ŭmovami nadvorja - anałahičnyja pa maštabie vypadki adbyvalisia ŭ 2016 i 2017 hadach.