Supracoŭniki milicyi zatrymali 14 hramadzian Rasii padčas futbolnaha matču 9 žniŭnia pamiž FK «Dynama-Minsk» i FK «Zienit» (Sankt-Pieciarburh). Pra heta paviedamiła HUUS Minharvykankama.
«Padčas praviadzieńnia matča na terytoryi stadyjona i prylehłaj terytoryi zatrymana 16 hramadzian: dvoje hramadzian Biełarusi i 14 hramadzian Rasii. U dačynieńni da ŭsich ich było składziena 16 pratakołaŭ ab administracyjnych pravaparušeńniach», — adznačyli ŭ minskaj milicyi.
11 pratakołaŭ składzienyja za drobnaje chulihanstva, jašče 5 — za raśpićcio śpirtnych napojaŭ.
Na matčy prysutničała 21 tysiača hledačoŭ, u tym liku 2300 fanataŭ «Zienita».
9 žniŭnia futbalisty minskaha «Dynama» siensacyjna vyjhrali ŭ picierskaha «Zienita» ź likam 4:0 ŭ pieršym matčy treciaha kvalifikacyjnaha raŭnda Lihi Jeŭropy.
