Pasolstva Biełarusi ŭ Rasii padklučyłasia da pošuku źnikłych u Karelii biełaruskich bajdaračnikaŭ. Pra heta BiełTA paviedamili ŭ pres-słužbie dyppradstaŭnictva.
«Pavodle infarmacyi MUS pa Respublicy Karelija, u suviazi sa źniknieńniem troch hramadzian Biełarusi ŭ rajonie raki Šuja viaducca pošukavyja mierapryjemstvy, — adznačyli ŭ dypmisii. — Adździaleńnie pasolstva Biełarusi ŭ Sankt-Pieciarburhu znachodzicca ŭ kantakcie z pravaachoŭnymi orhanami Rasii pa hetym pytańni».
Jak paviedamlajuć ŚMI, troje biełarusaŭ u kancy lipienia źjechali na mašynie ŭ Kareliju, dzie płanavali spłaŭlacca na bajdarkach pa race Šuja. Apošni raz jany vychodzili na suviaź 25 lipienia.
Viarnucca dadomu turysty płanavali 4 žniŭnia, adnak ich da hetaha času niama. Adna z dačok źnikłaha padała zajavu ŭ RUUS Savieckaha rajona Minska, a taksama źviarnułasia ŭ rasijskija pravaachoŭnyja orhany.
