Kolkaść zadańniaŭ i praktykavańniaŭ ź biełaruskim kantekstam u abnoŭlenych padručnikach dla siaredniaj škoły pavialičycca. Pra heta paviedamiła na pres-kanfierencyi ŭ Minsku dyrektar navukova-mietadyčnaj ustanovy «Nacyjanalny instytut adukacyi» Ministerstva adukacyi Valancina Hinčuk, pieradaje BiełTA.
U suviazi z ukaranieńniem u 2018/2019 navučalnym hodzie va ŭstanovach ahulnaj siaredniaj adukacyi novaj prahramy dla 4-ha i 8-ha kłasaŭ padrychtavanyja 44 padručniki. «U padručnikach źjavicca bolš praktykavańniaŭ i zadańniaŭ ź biełaruskim kantekstam, heta značyć u tekstach vykarystoŭvajecca infarmacyja pra słavutaści Biełarusi, ab jaje spartovych i ekanamičnych dasiahnieńniach, što maje važnaje značeńnie jak u adukacyjnym, tak i vychavaŭčym sensie», — adznačyła Valancina Hinčuk.
