Napiaredadni Dziarždepartament ZŠA abviaściŭ ab uviadzieńni novych sankcyj suprać Rasii. Padstavaj dla ich stała ataka z vykarystańniem chimičnaj zbroi na terytoryi krainy NATA — atručvańnie eks-pałkoŭnika HRU Siarhieja Skrypala i jaho dački Julii ŭ brytanskim Sołśbiery niervova-paralityčnym rečyvam «Navičok».
U adkaz Rasija rychtuje kontrsankcyi. I choć u Kramli nazyvajuć razmovy ab mierach u adkaz zaŭčasnymi, MZS RF abiacaje dziejničać lustrana, piša tass.ru.
Jak mohuć vyhladać hetyja kontrmiery?
Najpierš, adznačaje ahienctva Bloomberg sa spasyłkaj na rasiejskija krynicy, Rasieja moža spynić pastaŭki ruchavikoŭ RD-180, jakija vykarystoŭvajucca ŭ rakietach-nośbitach Atlas V.
Niahledziačy na sankcyi, u 2018 hodzie rasijskaje NVA «Enierhamaš» płanavała adpravić u ZŠA dźvie partyi.
Taksama Rasija moža prypynić ekspart tytanu ŭ ZŠA.
Rasijskaja kampanija «VSMPO-Avisma» - vytvorca tytanu, źlitkaŭ i ŭsich vidaŭ paŭfabrykataŭ z tytanavych spłavaŭ, a taksama presavanych bujnahabarytnych vyrabaŭ z aluminiju, paŭfabrykataŭ ź lehiravanych stalaŭ i haračatryvałych spłavaŭ na nikielevaj asnovie - zakryvaje da 40% patrebaŭ u tytanie amierykanskaj kampanii Boeing.
U Saviecie Fiederacyi RF prahučała dumka, što ŭ adkaz na sankcyi Rasija pavinna admovicca ad vykarystańnia dalara.
Naprykład, z Kitajem i Iranam Rasija ŭžo pačynaje handlavać, vykarystoŭvajučy nacyjanalnuju valutu.
Zrešty, pa słovach pres-sakratara prezidenta RF Dźmitryja Piaskova, Kreml ličyć zaŭčasnym havaryć pra miery ŭ adkaz na sankcyi, bo nieviadoma, nakolki ciažkimi jany buduć.
