Alaksandr Łukašenka zajaviŭ, što nie źbirajecca pradavać «Homsielmaš» zamiežnamu inviestaru, pieradaje BiełTA.
Pavodle jaho słoŭ, kazachstanskija partniory hatovyja pracavać z «Homsielmašam» i ŭvajści ŭ kapitał pradpryjemstva.
«Ale skažu ščyra: ja nie źbirajusia «Homsielmaš» pradavać, ja nie chaču jaho pryvatyzavać. Kali Kazachstan choča atrymać tut niejkuju dolu akcyj, my nie suprać. Tak Kazachstan i nie pretenduje na toje, kab kiravać hetym pradpryjemstvam i atrymać kantrolny pakiet», — skazaŭ kiraŭnik dziaržavy.
«Kantrolny pakiet akcyj pradavać ja nie hatovy, i naŭrad ci ŭ majo prezidenctva heta zdarycca. Pradpryjemstva heta dziaržaŭnaje, i kantrol pavinien zastacca dziaržaŭnym», — padkreśliŭ biełaruski lidar.
Alaksandr Łukašenka adznačyŭ, što viedaje, da čaho moža pryvieści padobnaje pryvatyzacyja.
«Rastsielmaš daŭno prapanoŭvaje — davajcie pryvatyzavać, my hatovyja kupić. Ale ja nie chaču, kab hety zavod pieratvaryŭsia ŭ zavod pa vytvorčaści šaściareniek».
