Adkryćcio samaha bujnoha sekand-chenda ŭ Hrodnie 10 žniŭnia vyklikała ažyjataž. Čarhu la ŭvachodu ŭ kramu ludzi stali zajmać jašče ź viečara, a da adkryćcia nabrałasia bolš za 200 čałaviek, paviedamlaje Hrodna.life.
Pryciahnuła hrodziencaŭ krama na vulicy Paŭdniovaj nie tolki svaimi maštabami, ale i akcyjami. Pieršaj sotni klijentaŭ davali padarunki, a taksama la ŭvachodu ŭ kramu pracavaŭ biaspłatny fudkort.
Kirył i jaho siabry pryjšli da sekand-chenda pieršymi. Maładyja chłopcy chacieli nabyć u pieršuju čarhu brendavaje adzieńnie.
«Tak, my haniajemsia za šmotkami i brendami, tamu prychodzim siudy pieršymi. Byli kala kramy dzieści ŭ 20:00, a ŭžo da nočy stali padciahvacca i inšyja ludzi», — kaža Kirył.
Da 23:00 la sekand-chenda stajała čarha kala 20 čałaviek. U asnoŭnym heta moładź. Ranicaj da novaj kramy pryjšli i starejšyja hrodziency.
«Vy dumajecie my ad dobraha žyćcia tut staim? Nam soramna, što my vymušanyja kuplać vopratku ŭ takich kramach. Voś da čaho dakaciŭsia biełaruski narod», — skazała pierad adkryćciom adna ź piensijanierak.
Adčynili dźviery ŭ bujny sekand-chend ŭ 9 ranicy i ludzi pavalilisia tudy natoŭpam.
