Pažar zdaryŭsia ŭ vioscy Vałodźki Śvirskaha sielsavieta na Miadzielščynie 2 žniŭnia.
Haspadar paviedamiŭ ratavalnikam pra toje, što haryć jaho dom.
Kali śpiecyjalisty apynulisia na miescy, ubačyli, što haryć nie tolki dom, a jašče try chlavy. Usie budynki byli pad adnym dacham.
— 23-hadovy haspadar vielmi pozna źviarnuŭsia da ratavalnikaŭ, — raspaviała «Rehijanalnaj haziecie» inśpiektar hrupy prapahandy i ahitacyi Miadzielskaha RANS Iryna Karapiecian. — Ubačyŭšy pažar va ŭłasnym domie, jon jašče doŭha biehaŭ pa vioscy i pytaŭsia, kudy treba telefanavać.
Da taho ž, pa słovach mužčyny, jon paadčyniaŭ usie vokny i dźviery. U pamiaškańnie trapiła šmat pavietra, i hareńnie ŭzmacniłasia.
— Haspadaru varta było, adčyniŭšy dźviery i pabačyŭšy pažar, chucieńka začynić ich, — kaža Iryna.
U vyniku zdareńnia try chlavy zhareli amal całkam. U doma zhareŭ i abvaliŭsia dach, paškodžanyja ścieny, pierakryćci i majomaść.
Pryčyna — nieaściarožnaje abychodžańnie z ahniom u niećviarozym stanie.
