U RUUS Centralnaha rajona źviarnułasia dyrektar adnoj sa staličnych kram na praśpiekcie Pieramožcaŭ z prośbaj znajści nieviadomych, jakija skrali z kramy rečaŭ na 300 rubloŭ.
14 lipienia dvoje nieviadomych maładych ludziej zajšli ŭ kramu. Adzin ź ich źniaŭ sa stojki kurtku i schavaŭ jaje za raźmieščanymi na stojcy rečami. Druhi praź niekatory čas, zabraŭ kurtku i pakinuŭ kramu.
U supracoŭnikaŭ milicyi jość padstavy mierkavać, što maładyja ludzi mohuć być datyčnymi da sieryi kradziažoŭ, paviedamlaje HUUS Minharvykankama.
Ich prykmiety: pieršy maje na vyhlad 22-27 hadoŭ, rost 165-170 sm., siaredniaha ciełaskładu. Byŭ apranuty: čornyja štany, kurtka ciomna-siniaha koleru, čornyja krasoŭki. Pry sabie mieŭ zaplečnik ź biełym nadpisam. Druhi mieŭ na vyhlad 24-27 hadoŭ, rost 170-175 sm, siaredniaha ciełaskładu. Był apranuty: śvietła-šeryja džynsy, bieły džempier i čaraviki. Asablivyja prykmiety: zabintavanaja pravaja ruka.
Pravaachoŭniki prosiać paviedamić infarmacyjuju pra hetych ludziej pa telefonach (8017) 288-02-02, 8 (8029) 177 -73-57 abo 102.