Na zavodzie vajskovaha abstalavańnia ŭ brytanskim horadzie Sołsbery, dzie byli atručanyja były aficer HRU Siarhiej Skrypal i jaho dačka Julija, adbyŭsia vybuch, paviedamlaje The Independent sa spasyłkaj na zajavu palicyi.
U vyniku vybuchu zahinuŭ adzin čałaviek, jašče adzin atrymaŭ surjoznaje ranieńnie. Paciarpieły znachodzicca ŭ krytyčnym stanie, jaho špitalizavali.
Vybuch adbyŭsia prykładna ŭ 17:00 pa miascovym časie ŭ piatnicu, 10 žniŭnia. Pryčyna jaho nieviadomaja. Da ciapierašniaha momantu pažar patušany. U suviazi sa zdareńniem budzie praviedziena raśśledavańnie, raspaviali ŭ palicyi.
Vajskovy zavod raźmieščany pobač z brytanskaj navukovaj labaratoryjaj Portan-Daŭn, dzie vyrablajuć chimičnyja i bijalahičnyja ahienty z metaj raspracoŭki metadaŭ abarony ad ich.
U sakaviku ŭ brytanskim Sołsbery vyjavili biez prytomnaści byłoha aficera HRU Rasiei Siarhieja Skrypala i jahonuju dačku Juliju. Raśśledavańnie pakazała, što jany byli atručanyja nervova-paralityčnym rečyvam «Navičok», vytvorčaść jakoha źviazvajuć z Rasiejaj.
