Ilustracyjnaje fota.
Ranicaj 11 žniŭnia ŭ apieratyŭna-dziažurnuju čaść Centralnaha RUUS pastupiła paviedamleńnie, što na dachu adnaho z budynkaŭ na vuł. Zybickaj znachodzicca dziaŭčyna i maje namiery ź jaho skočyć, paviedamlaje pres-słužba HUUS Minharvykankama.
Supracoŭniki AMAP, jakija dziažuryli niepadalok, nieadkładna prybyli na miesca zdareńnia. Pa słovach supracoŭnikaŭ milicejskaha śpiecnaza, dziaŭčyna chacieła skoknuć z dachu z-za kanfliktu ŭ siamji.
U toj čas, jak dva supracoŭniki AMAP «abchadnymi šlachami» sprabavali nieprykmietna ŭźleźci na dach, treci źnizu adciahvaŭ uvahu dziaŭčyny.
Jak tolki milicyjantam udałosia trapić na dach, jany pačali hutaryć ź dziaŭčynaj, zmahli nablizicca i advieści jaje ad parapieta.
Dziaŭčyna była ŭratavanaja i pieradadzienaja bryhadzie «chutkaj».