Niamieckaja palicyja prybyła na vyklik, kab abaranić čałavieka ad napadu małoj vaviorki. Kali aficery ŭ horadzie Karłsrue prybyli na miesca zdareńnia, jany stali śviedkami taho, jak źviarok praciahvaje teraryzavać mužčynu, piša bbc.com.
Kali vavierčania źniasiliłasia i zasnuła, jaho ŭziali pad vartu.
U paviedamleńni pravaachoŭnikaŭ skazana, što hryzun staŭ ich novym talismanam i jaho nazvali Karłam-Frydrycham.
Ciapier jaho dahladajuć u centry vyratavańnia žyvioł.
Vaviorki zvyčajna pieraśledujuć ludziej, kali im patrebna ježa abo dapamoha. Pres-sakratar palicyi Kryścina Krenc raspaviała, što vavierčaniaty, jakija stracili maci, mohuć zamiest ich pieraklučać usiu svaju ŭvahu na čałavieka, jaki im sustreniecca. «Heta moža być davoli strašna», — skazała jana, dadaŭšy, što čałaviek, jaki vyklikaŭ palicyju, «biezumoŭna, adčuvaŭ siabie ŭ niebiaśpiecy».
Karł-Frydrych ciapier u biaśpiecy — u vyniku jaho dziejańniaŭ nichto nie paciarpieŭ. Ale nie ŭsie historyi, u jakich fihurujuć vaviorki, majuć takija ščaślivyja finały. Letaś hrupa z šaści vaviorak pakusała da mocnaha kryvacioku trochhadovaha chłopčyka ŭ anhlijskim hrafstvie Kornueł.
