Aŭtamabilnaje paliva ad 12 žniŭnia daražeje na adnu kapiejku, paviedamili BiełTA ŭ pres-słužbie kancerna «Biełnaftachim».
Cana 1 litra bienzinu AI-92-K5-Jeŭra składzie Br1,3, AI-95-K5-Jeŭra - Br1,38, AI-98-K5-Jeŭra - Br1,59, DT - Br1,38.
Kancern pryniaŭ rašieńnie praciahnuć palityku paetapnaha padvyšeńnia cenaŭ na paliva z ulikam faktaraŭ, jakija na ich upłyvajuć: cenaŭ na naftu, padatkaŭ, kursaŭ valut.
Za 7 miesiacaŭ 2018 hoda košt nafty dla biełaruskich NPZ u paraŭnańni z anałahičnym pieryjadam 2017-ha pavialičyłasia na 35%. Ceny na naftapradukty, što realizujucca na ŭnutranym rynku, vyraśli ŭ siarednim na 14%.
«Biahučy ŭzrovień cenaŭ na naftapradukty na ŭnutranym rynku nie kampiensuje NPZ abhruntavanyja zatraty na vytvorčaść, u vyniku čaho naftapierapracoŭčaja halina pa vynikach pracy za studzień-lipień atrymała straty», - rastłumačyli ŭ pres-słužbie kancerna.
U «Biełnaftachimie» dadali, što na ŭnutranym rynku kancern prytrymlivajecca palityki strymlivańnia cenaŭ. U ciapierašni čas cana matornaha paliva ŭ Biełarusi nižejšyja, čym u susiednich krainach.
«Ciapier kožny biełaruski aŭtamabilist faktyčna datujecca na 20-30 kapiejek na kožnym litry paliva - bolš, čym tracicca zavodami na jaho vytvorčaść. Tamu kancern ličyć abhruntavanym ustanaŭleńnie ceny, jak minimum, na ŭzroŭni, kampiensujučym zatraty NPZ», - padkreślili ŭ pres-słužbie.
Tut taksama źviarnuli ŭvahu, što ŭ ahulnych vydatkach biełarusaŭ na dolu aŭtamabilnaha paliva prypadaje 2,2%. Dla paraŭnańnia: na pasłuhi suviazi biełarusy traciać 3,3%. U vydatkach transpartnikaŭ cana bienzinu taksama składaje nievialikuju dolu - 4,4%.
Heta značyć pry roście cany na paliva na 10% ich vydatki pavialičvajucca nie bolš čym na paŭpracenta, źviarnuli ŭvahu ŭ kanciernie.
