Sud Partyzanskaha rajona Minska adchiliŭ skarhu karespandenta ruskaj redakcyi Deutsche Welle (DW) Paŭluka Bykoŭskaha na niezakonnaje zatrymańnie. Pasiadžeńnie suda prajšło ŭ paniadziełak, 13 žniŭnia, u zakrytym režymie, piša Tut.by.

«Advakat padavaŭ skarhu ŭ maich intaresach z punktu hledžańnia taho, što majo zatrymańnie było niezakonnym i nieabhruntavanym. Ale jany paličyli, što nie było nijakich parušeńniaŭ», — rastłumačyŭ Bykoŭski ŭ intervju DW. Žurnalist zajaviŭ, što maje namier dalej asprečvać hetuju spravu. «Sama pa sabie acenka taho, było heta ci nie było zakonnym, źjaŭlajecca dastatkova važnaj», — padkreśliŭ jon.

Paŭluk Bykoŭski taksama maje namier damahacca viartańnia techniki, skanfiskavanaj padčas pieratrusu ŭ jaho kvatery. «U mianie ciapier kanfiskavanyja ŭsia technika, bankaŭskija kartki, telefony i h.d. Zaraz ja budu pisać chadajnictva, kab mnie ŭsio heta viartali», — adznačyŭ jon. Raniej žurnalist paviedamiŭ, što prachodzić padazravanym pa spravie ab niezakonnym dostupie da płatnaj padpiscy ahienctva BiełTA.

Клас
0
Панылы сорам
0
Ха-ха
0
Ого
0
Сумна
0
Абуральна
0