Padčas znachodžańnia ŭ Adesie śpiavačka Łajma Vajkule skazała, što nie pajechała b u Krym, jaki b hanarar joj ni prapanavali. Artystka dadała, što nie maje ciopłych pačućciaŭ da SSSR i ščaślivaja, što Saviecki Sajuz raspaŭsia. Niekatoryja rasijskija artysty ŭžo paśpieli asudzić svaju łatvijskuju kalehu.

Łajma Vajkule. Fota: Wikimedia Commons.

Łajma Vajkule. Fota: Wikimedia Commons.

«Ja navat nie ŭjaŭlała, što ludzi takija źviary. Skažu ščyra. Moža być, tamu, što ja nikoli nie hladžu televizar. Ja zaraz pieršy raz jaho ŭklučyła pahladzieć, jakaja reakcyja, što tam adbyvajecca Mnie zdajecca, što ludzi stracili rozum. Jany absalutna zambavanyja. Jany navat nie čujuć, što kažuć», — zajaviła śpiavačka łatvijskim žurnalistam.

Łajma Vajkule adznačyła, što joj abyjakava, čym hety skandał moža skončycca i škaduje, što kalehi paviali siabie takim čynam.

«Jany pakazali svoj tvar. Jany biednyja ludzi, jakija nie viedajuć, jak siabie pakazać. Ja navat nie viedaju, što skazać. Ja ŭ žyćci nie kamientavała ni adnaho artysta, jaki niešta rabiŭ. Heta prosta soramna, złosna i niepryhoža. Heta reŭnaść, zajzdraść. Heta žudasna. Brydka prosta», — ličyć Łajma Vajkule.

Клас
0
Панылы сорам
0
Ха-ха
0
Ого
0
Сумна
0
Абуральна
0