13 žniŭnia Łukašenka zastaŭsia vielmi niezadavolenym vizitam na Aršanski instrumientalny zavod. Stan pradpryjemstva akazaŭsia davoli sumnym. U vyniku Łukašenka adčytaŭ dyrektara zavoda i papiaredziŭ ministra pramysłovaści Vitala Voŭka, što taho čakaje praca ŭ Oršy.

U efiry telekanała «Biełaruś-1» prahučała fraza Alaksandra Łukašenki, nakiravanaja da ministra: «Z zaŭtrašniaha dnia siudy [u Oršu — «NN»]. Na jakuju pasadu, vyznačym».

Pres-słužba Minprama nie padychodzić da telefonaŭ. Źviazacca z Aršanskim rajvykankamam taksama niemahčyma. Nichto nie padychodzić navat da telefona «haračaj linii».

Na tym samym instrumientalnym zavodzie taksama nie majuć adkazu na pytańnie, ci chutka čakać ministra i čym jon budzie zajmacca.

«Pakul nijakaj infarmacyi pra heta niama», — paviedamiła «Našaj Nivie» pieršaja namieśnica dyrektara zavoda Taćciana Drabyšeŭskaja. Jana pryznała, što kali b Voŭku padrychtavali miesca nie na pradpryjemstvie, a ŭ rajvykankamie, to na zavodzie taksama b užo viedali pra heta. Ale pakul nichto ničoha nie čuŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?