Alaksandr Łukašenka na naradzie ŭ Oršy pakazaŭ na sistemnyja niedapracoŭki pa kompleksnym raźvićci rajona, piša BiełTA.

Jak adznačyŭ kiraŭnik dziaržavy, sacyjalnuju śfieru ŭ Oršy ŭ cełym daviali da ładu, horad dobraŭparadkavany, i jaho nieabchodna i dalej utrymlivać u naležnym stanie. «Da hetaha patrebna vytvorčaja baza. Ludzi, akramia taho, kab žyć u pryhožym horadzie, pavinny pracavać, hadavać dziaciej, utrymlivać siamju», - zajaviŭ jon.

Pavodle słoŭ Alaksandra Łukašenki, mienavita tamu hałoŭny ŭpor byŭ zrobleny na pramysłovuju bazu, pradukcyja jakoj zapatrabavana ŭ krainie. «Pa ŭsich napramkach byli pryniaty mnoju rašeńni. Jany sistematyzavany, daviedzieny da vykanaŭcaŭ. Nia zroblena praktyčna ničoha, niahledziačy na napamin mnoju i papiaredžańnia na samych vysokich uzroŭniach, pačynajučy ad Pasłańnia biełaruskamu narodu i parłamientu», - adznačyŭ biełaruski lider.

U jakaści prykładu jon pryvioŭ raźvićcio lnavodstva, dzie było dadziena šmat daručeńniaŭ - ad vyroščvańnia lonu da vytvorčaści lnianych tkanin i pašyvu adzieńnia. «Byŭ dadzieny šerah daručeńniaŭ, i heta cełaja vybudavanaja sistema. Sapraŭdy hetak pa ŭsich inšych pytańniach, što tyčycca Barani - raźvićcia hetaha miastečka, što tyčycca Bałbasava, Oršy», - źviarnuŭ uvahu Alaksandr Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0