Fiestyval Śviatoha Rocha projdzie 16 žniŭnia ŭ Minsku, paviedamiŭ «Minsk-Navinam» probašč kaścioła Najśviaciejšaj Trojcy (Śviatoha Rocha) ksiondz Juryj Sańko.

U hety dzień haradžanie ŭšanujuć pamiać śviatoha Rocha, viadomaha jak abaroncy ad čumy. U 8:00, 12:00 i 18:30 u kaściole adbuducca nabaženstvy. Viačerniuju imšu ŭznačalić mitrapalit Minska-Mahiloŭski arcybiskup Tadevuš Kandrusievič.

U prahramie fiestyvalu — relihijny kirmaš, adkryćcio vystaŭ i častki dendraparku ź dziciačaj placoŭkaj.

— Z 15:00 razhorniecca vystava retraaŭtamabilaŭ. U budučyni hetyja mašyny, mahčyma, pierajeduć u muziej, jaki płanujem stvaryć na terytoryi kala kaścioła.

U 17:30 taksama na vulicy adkryjecca fotavystava prychadžanki Iryny Jermakovaj «Novyja ziemli», — raspavioŭ Ju. Sańko. - Paśla imšy błasłavim i adkryjem šmatfunkcyjanalnuju dziciačuju placoŭku ŭ vyhladzie karabla i pieršuju častku dendraparku. Užo stvorana hałoŭnaja aleja, płošča dla aptekarskaha sada, dzie vysadžany lačebnyja raśliny. Asnoŭnyja pasadki zapłanavany na vosień i viasnu. Razhladajem mahčymaść uładkavańnia ružovaha i biblejskaha sada.

U płanach ŭstanoŭka skulpturnaj kampazicyi ŭ pamiać ab Załatahorskich mohiłkach, fihur śviatoha Łuki, Archanioła Michaiła, Maci Božaj. Znojdziecca miesca i dla kryža pamiaci ksiandza Hadleŭskaha.

Ks. Sańko dadaŭ, što jość ideja pieraabstalavać 80-mietrovuju vyšku-hłušyłku, što pobač z kaściołam, u ahladnuju placoŭku. Hetaje pytańnie prapracoŭvajecca architektarami. My stvarajem utulnaje miesca adpačynku dla žycharoŭ i haściej stalicy.

Naviedvać dendrapark možna budzie z 7:00 da 22:00.

Клас
0
Панылы сорам
0
Ха-ха
0
Ого
0
Сумна
0
Абуральна
0