Sietka ŭniviersamaŭ «Rubloŭski» ŭ žniŭni źmianiła ŭłaśnika. Jak paćvierdziła Tut.by krynica, blizkaja da adnaho z bakoŭ, uhodu ŭžo skłali. Pra sumu pahadnieńnia nie paviedamlajecca.

Pakupnikom «Rubloŭskaha» stała «Santa Bremar» Alaksandra Mašenskaha, asnoŭnymi aktyvami jakoha źjaŭlajucca vytvorčaść małočnaj i rybnaj pradukcyi — «Savuškaŭ pradukt» i «Santa Bremar».

Sietka «Santa» aktyŭna stvaraje svaje kramy i płanuje być siarod viadučych rytejleraŭ, raskazvali ŭdzielniki rynku ŭ pačatku 2018 hoda. U płanach na hety hod było pavialičyć kolkaść handlovych abjektaŭ na 40%, prykładna da 100 kram.

Sietka univiersamaŭ «Rubloŭski» zasnavana ŭ 2003 hodzie. Siońnia ŭ jaje ŭvachodziać 73 kramy. Sietka prysutničaje va ŭsich abłasnych centrach Biełarusi. U Minsku ŭ sietki 53 kramy. Ahulnaja kolkaść supracoŭnikaŭ — bolš za 4 tysiačy čałaviek.

Saŭładalnikami «Rubloŭskaha» nazyvali Alaksieja Łojku, Hieorhija Rahazinskaha i Siarhieja Tkačuka. Alaksiej Łojka na zapyt Tut.by pra prodaž nie adkazaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0