Stvareńnie abviestki

Pry stvareńni ŭłasnaj abviestki varta ŭličvać nastupnyja momanty:

  • Važna, kab abviestka była niešmatsłoŭnaja i pieradavała ŭsiu sutnasna važnuju infarmacyju (vid žylla, pažadanaja kolkaść pakojaŭ, cana, miescaznachodžańnie, siamiejnaje stanovišča, harantavanaść apłaty i h. d.).
  • Była napisana hramatna. Vierahodnaść taho, što niepiśmienny tekst adšturchnie patencyjnaha arendadaŭcu, dastatkova vysokaja.
  • U niekatorych vypadkach nie lišnim budzie padumać pra kreatyŭnaść padačy infarmacyi. Asabliva, kali abjava budzie raźmieščana ŭ tematyčnym raździele pa pošuku žylla. Heta dapamoža nie tolki vyłučyć jaje z šerahu adnatypnaj infarmacyi, ale taksama stanie dokazam taho, što abviestka była stvorana nie ahiencyjaj, a čałaviekam, jaki šukaje žyllo dla siabie.

Dla stvareńnia kreatyŭnaj abviestki nieabaviazkova spadziavacca vyklučna na ŭłasnuju fantaziju i navyki ŭ karystańni hrafičnych redaktaraŭ. Prykłady tvorčych abviestak pra pošuk žylla možna padhladzieć u ahladnych materyjałach, pryśviečanych hetaj temie (naprykład, na onliner.by, citydog.by, infogra.ru i inš.)

Možna taksama stvaryć abviestku, karystajučysia admysłovymi elektronnymi siervisami: 

sosedi.flatfy.ru

canva.com

smore.com

simplebooklet.com

  • Metazhodna ad samaha pačatku aryjentavacca na niekalki placovak, a tamu adrazu stvarać niekalki abviestak, roznych pa źmieście i formie padačy materyjału. Tak, naprykład, abviestka, raźličanaja na siabroŭ u sacyjalnych sietkach, moža być napisana bolš emacyjna, ščyra i padrabiazna za tuju, što napisana dla sajtaŭ albo na došku abjaŭ.

 Dzie šukać abviestki

1) Supołki ŭ sacyjalnych sietkach. Najbolš takich tematyčnych hrup možna znajści ŭ Ukantakcie:

Zdam/Zdymu*Kvateru/Pakoj Nadoŭha 

Źniać kvateru ŭ Minsku

Kvatery i pakoi ŭ Minsku BIEZ Ahientaŭ!arenda 

Zdaju, zdymu kvateru ŭ Minsku biez pasrednikaŭ 

Źniać kvateru, pakoj u Minsku 

 Vidavočnyja plusy dadzienaha sposabu:

  • mahčymaść apieratyŭnaj kamunikacyi z tymi, čyje abviestki vas zacikavili;
  • mahčymaść adsočvać aktualnaść infarmacyi, popyt na prapanovu (časta adlustroŭvajecca ŭ kamientarach).
  • najaŭnaść vizualnaj infarmacyi — bolšaść abviestak supravadžajecca adpaviednymi fotazdymkami žylla, tamu možna adrazu acanić, nakolki prapanavany varyjant budzie zručny dla vas;
  • mahčymaść aznajomicca ź piersanalnymi staronkami asob, čyje abviestki vas zacikavili, paznajomicca ź ich hustami, ładam žyćcia, pohladami. Heta dapamoža acanić, nakolki kamfortna było b mieć spravu z kankretnym čałaviekam i ci jość vierahodnaść nie zžycca razam.

2) Sajty pryvatnych abviestak:

kufar.by — resurs zručny tym, što jość mahčymaść zachavać vybrany pošuk, usie abnaŭleńni pa zapycie adrazu bačnyja. Nie mienš važna i toje, što možna aznajomicca z profilem aŭtara abjavy. Kali, naprykład, bačna, što niejkaja asoba padała 10 abviestak i ŭsie jany pa arendzie žylla, stanovicca zrazumiełym, što heta ahient pa nieruchomaści.

onliner.by — dastatkova papularny sajt, abviestka za hadzinu nabiraje da 500 prahladaŭ, adpaviedna kankurencyja pamiž tymi, chto šukaje žyllo, dastatkova vialikaja. Adnak niesumlennych ahientaŭ, jakija pad vyhladam ułaśnikaŭ vystaŭlajuć abviestki, chutka vykryvajuć sami karystalniki, tamu bolšaja častka abviestak realnaja.

krama.nn.by — baza pryvatnych abviestak «Našaj Nivy». Pakolki baza pačała svaju dziejnaść adnosna niadaŭna, šancy zaŭvažyć abviestku i apieratyŭna adredahavać na jaje bolšyja ŭ paraŭnańni ź inšymi, bolš viadomymi, resursami.

Dzie źmiaścić ułasnuju abviestku

  • Na pryvatnych staronkach sacyjalnych sietak i ŭ tematyčnych hrupach. Dadzieny krok dazvolić apieratyŭna apaviaścić pra prablemu ŭłasnych padpisčykaŭ, siarod jakich mohuć być patencyjnyja arendadaŭcy i «siabry pa niaščaści», a taksama, šlacham pierapostaŭ, apieratyŭna pašyryć infarmacyju na vialikuju aŭdytoryju.
  • Na doškach abjavaŭ la ŭvachodu ŭ padjezd. Dadzieny mietad choć i stary, ale ŭsio jašče dziejsny. Asabliva prydatny jon budzie dla tych, chto metanakiravana šukaje žyllo ŭ peŭnym rajonie (niedaloka ad miesca vučoby, pracy, rajonie, zručnym pa raźmiaščeńni da linii mietro i inš.).
  • Elektronnyja resursy dla pryvatnych abviestak. Naprykład, pieraličanyja vyšej kufar.by, onliner.by, krama.nn.by. Tut možna nie tolki sačyć za čužymi abviestkami, ale taksama raźmiaścić svaju.

 Pošuk žylla — sprava amal zaŭsiody nialohkaja, i varta ad pačatku ŭśviedamlać, što, mahčyma, daviadziecca patracić na jaje značnuju kolkaść času, sił i ŭvahi. Tamu, kab u vyniku ŭsio ž taki atrymać žadany spakoj i kamfort, lepš za ŭsio adrazu zadziejničać maksimalnuju kolkaść varyjantaŭ pošuku i nie škadavać na heta času i vysiłkaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?