Kałaž: Viersija.

Kałaž: Viersija.

«Viersija» źviartaje ŭvahu na toje, što ŭ dzień sustrečy z Łukašenkam Pucin jašče sustrakaŭsia z prezidentam Finlandyi i navat paklikaŭ jaho na svaju jachtu. Łukašenka ž takoj pavahi nie atrymaŭ. Kiraŭnik Biełarusi navat nie pryjšoŭ na turnir pa samba, što źjaŭlajecca jašče adnym indykataram prablem hetaj sustrečy.

Uspaminaje vydańnie i ab pryznačeńni Rumasa premjeram, a taksama pra toje, što kali Rumas byŭ vice-premjeram, u Biełarusi adbyłasia vialikaja devalvacyja. Toje ž samaje pahražaje Biełarusi i ciapier, ličyć «Viersija».

Hazieta paviedamlaje, što nibyta «Łukašenka staŭ zanadta časta plavać u ruku, jakaja jaho kormić»:

— Dla pačatku adkryŭ u adnabakovym paradku miežy dla hramadzian 80 krain, i tyja nieadkładna rušyli tranzitam u Rasiju. A čamu b i nie — ni tabie viz, ni pravierak śpiecsłužbaŭ! Vas, zamiežnyja špijony, cikaviać rasijskija zakrytyja pradpryjemstvy, ale niama mahčymaści pratačycca praź miažu? Nie parciesia, jedźcie na ciahniku praź Minsk — u vas navat pašpart na miažy nie spytajuć,

— śćviardžaje «Viersija».

Nahadvaje vydańnie i pra prablemy z pryjomam novaha pasła Rasii Michaiła Babiča, a taksama situacyju z «Urałkalijem».

Pa viersii rasijskaha vydańnia, u 2014 hodu kiraŭnika «Urałkalija» Baumhiertniera aryštavali ŭ Biełarusi dla taho, kab vykrucić ruki rasijskamu miljarderu Sulejmanu Kierymavu, jaki kantralavaŭ «Urałkalij», vymusiŭšy pradać jaho častku pakieta akcyj (kala 20%):

«U vyniku na siońnia prykładna 40% akcyj (a moža, navat bolš) kantralujuć biełaruski hramadzianin Dźmitryj Łabiak i ŭradženiec Minska Dźmitryj Maziepin»,

— paviedamlaje «Viersija».

Vydańnie zapeŭnivaje, što paśla hetaj historyi Łukašenku ŭ Maskvie stali ŭsprymać jak taksičnaha.

Abvinavačvaje «Viersija» Łukašenku i ŭ tym, što jon nibyta «pierakanaŭ pryznać vyniki ŭkrainskich vybaraŭ», a taksama «admianić vajennuju apieracyju pa prymušeńni Kijeva da miru»:

«Svajho siabroŭstva ź Piatrom Parašenkam biełaruski prezident nikoli nie chavaŭ — šle tamu ŭ zonu bajavych dziejańniaŭ hruzavyja karavany z tušonkaj, a adnačasna uzbrojvaje ŭkrainskich vajennych biełaruskaj zbrojaj, dy jašče i ŭ kredyt»,

— piša vydańnie.

Nahadvaje rasijskaja hazieta i ab padatkovym manieŭry. Volnica z rasijskim palivam, ličyć vydańnie, dla Minska skančajecca. A jašče Maskva pačynajučy z čaćviortaha kvartała hetaha hoda maje namier zrezać pastaŭki ŭ Biełaruś zvadkavanaha hazu i naftapraduktaŭ:

«Dzirka ŭ biełaruskim biudžecie, takim čynam, składzie ad 2 miljardaŭ dołaraŭ i bolš — u zaležnaści ad taho, ci ŭdasca adkłaści da lepšych časoŭ vypłaty pa źniešnich pazykach. A 2019-y — hod vybaraŭ prezidenta i parłamienta Biełarusi. U taki hod niebiaśpiečna sadzicca na hałodny pajok»,

— piša «Viersija».

Rasijski tabłoid taksama pałochaje rasijan biełaruskimi vajennymi vučeńniami, u jakich buduć zadziejničanyja 7500 vajskoŭcaŭ i 260 adzinak braniatankavaj techniki — akurat la samaj rasijskaj miažy:

— Nas što, sprabujuć spałochać? Šantažujuć, bieručy na mušku? <…> I niejak usio heta tryvožna, viedajecie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?