Kijeŭ nakiravaŭ aficyjny zapyt u Vašynhton na nabyćcio amierykanskich sistem supraćpavietranaj abarony (SPA). Pra heta ŭ efiry radyjostancyi «Novoje vriemia» raspavioŭ nadzvyčajny i paŭnamocny pasoł Ukrainy ŭ ZŠA Valeryj Čały.
Detali zamovy jon nie raskryŭ, spasłaŭšysia na zasakrečanuju infarmacyju. Dypłamat ukazaŭ tolki, što košt adnoj takoj sistemy składaje $ 750 młn.
Pa słovach Čałaha, Ukrainie patrebnyja minimum try takija kompleksy. «Našy patreby nastupnaha pieryjadu, na moj pohlad, heta marskaja prastora, vajenna-pavietranaja prastora. Heta toje, biez čaho my prosta nie zmožam zabiaśpiečyć abaronu krainy», - skazaŭ jon.
Akramia sistem SPA, adznačyŭ Čały, Ukraina maje patrebu ŭ bieśpiłotnikach, kontrbatarejnych radarach i kontrsnajpierskich sistemach.
