kremlin.ru

kremlin.ru

Pucin prapanavaŭ skarektavać paramietry piensijnaj reformy, jakaja praduhledžvaje pavyšeńnie piensijnaha ŭzrostu ŭ Rasii. Pa słovach prezidenta krainy, vychad žančyn na piensiju pavinien być mahčymy nie ŭ 63 hady (jak praduhledžvaŭ pieršapačatkovy prajekt), a ŭ 60 hadoŭ.

«U našaj krainie staŭleńnie da žančyn asablivaje, bieražlivaje. My razumiejem, što jany nie tolki pracujuć pa asnoŭnym miescy pracy, na ich, jak praviła, uvieś dom, kłopat pra siamju, vychavańnie dziaciej, kłopaty pra ŭnukaŭ. Piensijny ŭzrost dla žančyn nie pavinien pavyšacca bolš, čym dla mužčyn. Tamu liču nieabchodnym pamienšyć prapanavany zakonaprajektam piensijny ŭzrost dla žančyn z 8 da 5 hadoŭ», - paviedamiŭ Pucin.

Taksama prezident RF prapanavaŭ tym, kamu treba było vychodzić na piensiju pa starym zakanadaŭstvie, u najbližejšyja dva hady, ustalavać admysłovuju lhotu — prava aformić piensiju na šeść miesiacaŭ raniej novaha piensijnaha ŭzrostu. «Dla prykładu, čałaviek, jaki pa novym piensijnym ŭzroście pavinien budzie sychodzić na piensiju ŭ studzieni 2020 hoda, zmoža zrabić heta ŭžo ŭ lipieni 2019 hoda. Heta značyć na paŭtara, na 6 miesiacaŭ raniej », - dadaŭ Pucin.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?