27-hadovaja žančyna takim čynam płanavała zarabić hrošaj.

Jana vypivała sa svaim 44-hadovym znajomym i raspaviała jamu pra svoj płan. Maŭlaŭ, toj złamaje joj nahu, a paśla jana paviedamić milicyi, što traŭmy atrymała ŭ DTZ i atrymaje hrošy pa strachoŭcy.

«Jany vyjšli na dvor doma, dzie žančyna pastaviła ŭ viadro levuju nahu, paśla čaho viadro zapoŭnili ziamloj. Jak śćviardžała asudžanaja, jana bačyła taki sposab ŭ adnym z kinafilmaŭ, — paviedamlaje prakuratura. —

Mietaličnym łomam mužčyna ŭdaryŭ pa nazie žančyny. U vyniku — adkryty pierałom vialikaj halonačnaj kostki».

Paśla mužčyna ŭziaŭ svaju «achviaru» na ruki i zanios na darohu. Pakłaŭ na abočynu i syšoŭ. A žančyna vyklikała chutkuju i milicyju i raspaviała, što jaje źbiła mašyna.

Praŭda, paźniej i žančyna, i jaje pamahaty pryznalisia, što nijakaha DTZ nie było. U vyniku na ich zaviali kryminalnyja spravy. Na mužčynu za naŭmysnyja ciažkija cialesnyja paškodžańni, na žančynu — za łžyvaje paviedamleńnie ab ciažkim złačynstvie. Sud pakaraŭ mužčynu 3 hadami chatniaj chimii. Aŭtarka afiory atrymała hod i dva miesiacy kałonii ahulnaha režymu (plus jaje čakaje prymusovaje lačeńnie ad ałkahalizmu).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?