Ministerstva achovy zdaroŭja na bryfinhu patłumačyła situacyju z karejskaj vakcynaj dla niemaŭlat «Eŭpienta».
Pa słovach načalnicy ŭpraŭleńnia farmaceŭtyčnaj inśpiekcyi i arhanizacyi lekavaha zabieśpiačeńnia Ministerstva achovy zdaroŭja Ludmiły Ravuckaj,
u 2017 hodzie ŭ Biełarusi ŭźnikła krytyčnaja situacyja, źviazanaja z pastaŭkaj niajakasnych sieryj vakcyny rasijskaj vytvorčaści AKDS.
Hetyja sieryi pieryjadyčna brakavalisia i viartalisia pastaŭščyku. Situacyja pahražała nie prosta zryvam Nacyjanalnaha kalendara pryščepak, ale i masavym raspaŭsiudžvańniem niebiaśpiečnych infiekcyj.
Bujnyja zachodnija kampanii, da jakich źviarnułasia Biełaruś, admovili, bo nie mieli dastatkova času, kab vyrabić vakcyny. I tady Ministerstva achovy zdaroŭja pačało vybirać pamiž vakcynami vyrabu Indyi, Kitaja i Paŭdniovaj Karei. U vyniku ŭziali karejskuju, «Eŭpienta» — niezarehistravanuju.
Načalnica adździeła miedycynskaj dapamohi maci i dzieciam Ministerstva achovy zdaroŭja Ludmiła Lohkaja adznačyła, što pryčynaj śmierci dziciaci z Hancavickaha rajona była alerhičnaja reakcyja. Latalny vynik byŭ niepaźbiežnym.
Namieśnica načalnika adździeła hihijeny, epidemijałohii i prafiłaktyki Ministerstva achovy zdaroŭja Inna Karaban zaścierahaje ad antypryščepačnych kampanij, jakija mohuć źjavicca ŭ vyniku abmierkavańnia ŭ ŚMI i sacsietkach. Pa jaje słovach, heta moža pryvieści da źnižeńnia kalektyŭnaha imunitetu i rostu infiekcyjnych zachvorvańniaŭ.